الخرطوم : سودان لايت
كشفت الفنانة إنصاف فتحي كواليس البرنامج الأشهر أغاني واغاني لجمهورها عبر منشور لها على على حسابها الشخصي بموقع فيسبوك .
وبحسب متابعة محررة ” سودان لايت ” لصفحة الفنانة الملقبة بعصفورة الثورة السودانية كتبت قائلة: ” ما تشوفونا كده مرات كتييييرة الغناء ده بيعصلج معانا وبنتموا بشير بكسر الباء وضحك لكن دائما روح الفريق والجماعية بتؤدي الي النجاح اي كان نوع العمل وده الشيئ البيتمتع بيه برنامج أغاني وأغاني قائم علي روح الجماعة والثنائيات يعني ما بتشيل هم لو عندك مشكلة في اغنية بتكون متأكد إنه أخوانك بيشيلوك وبتكون الطرفة حاضرة ومرات كتيييييرة بتكون الأغنية ساهلة لكن بتابي لينا عدييييييل”.
وواصلت حدثيها :”المهم عندي طرفتين كل يوم بتذكرهم وبضحك براي وللآن ما قادرة أنساهم الأولي من الفنان أحمد محمد عوض في اغنية حبيبي غاب لمن زهجتو قال يا اخوانا ابت لي والله ومع انه بيأديها بجمال ما عادي والتانية من هدى عربي في أغنية إشتقت ليك هي حافظاها وانا حافظاها نص نص المهم اتفقنا انه في جزئية لمن اصلا بعاين ليها عشان تشيل معاي وهي عارفااااااها كويس كمان،المهم لمن قربت الجزئية قام شكر الله عز الدين همس ليها عشان تستعد قامت هدي طشت وخلتني لافه سورو عاينت ليها بإستغراب قالت لي كتروا لي الكلام في اضاني طشيت يا سلااااااام ياخ أيام تحياتي لكل الفنانين والله وبرجع بقول ليكم بنطش وبنرجع تاني”.
كانت الفنانة هدى عربي من ابرز المُعلقين لعصفورة الثورة السودانية حيث كتبت لها:”شكر الله الوسواس الخناس روحني مرة في غنية رحلة في طيارة في طلعة عااااالية قبلت عليك قلت ليك اسي انزل كيف غايتو حلقة الكواليس الناس ديل ح يشوفو. روضة ما فنانين”.
