صبري محمد علي (العيكورة) يكتب: الردحي المؤصل بين مناوي وإبراهيم الشيخ..

قرأت بعضاً مما حملته لي الوسائط قبل ظهر الامس تصريح منسوب (لولد خالنا) ابراهيم الشيخ القيادي بحزب المؤتمر السوداني وعضو قحت المركزي والمقيم (اظنه) بالقاهرة قال معاتباً قحت الديمقراطية من ان القائمة التى قدمها السيد مناوي لضمها للاتفاق الاطاري احتوت على (١٦) مجموعة ما غاب عنها الا الرئيس البشير . وكلهم شركاء اصيلون لحكومة البشير يريد بها (اغراق) العملية السياسية ويقصد بها الاطاري
(طيب) ده كلام الاستاذ ابراهيم (السيخ) …!
نشوف صاحبنا السيد مناوي قال شنو بحسب (صوت السودان) معلقاً على تصريح ود الشيخ …
قال ….
إن هذا التصريح غير المسؤول من الرجل الستيني ! واردف مناوي متهكماً بقوله لا ادري صحة التقدير الستيني فى ظل (الكومستك المفرط) !
انا غايتو فهمتها الصبغة والانجلاخة وحاجات بالشكل زي ده
واضاف مناوي (مساعد رئيس البشير الاسبق) …

لا مانع (بس ما قال لدينا) لا مانع من اضافة شريكه التجاري عمر البشير فى العملية السياسية طالما انه يحمل الجنسية السودانية بشرط اثبات البراءة من المحاكم المحلية والدولية ! والكلام يحتمل معنيين اتركهما لفطنة القارئ الكريم …
يا مناوي ويا ودالشيخ هووي …
امشوا اتشاكلوا بعيد عن هذا الرجل واقصد به المشير عمر البشير
(اها دى برضو فيها مخلوع وبتاع)؟
وابتعدوا عن استفزاز شباب الحركة الاسلامية والمؤتمر الوطني فى شخص هذا الرجل .
امشوا شوفوا (اطاريكم) وكشوفاتكم يغرق ما يغرق
دى ما شغلتنا وصدقوني كووولكم لن تكونوا رجال المرحلة القادمة والبشير طال الزمن او قصر لن يجلس مع ( بقايا جيف سياسية)
وخذوا مني حقيقة لا تنجيماً
(فاااا)
(حقو كل زول يمد كرعيهو قدر لحافو) وللا شنو يا جماعة
واظن كلام قائد الجيش لغاااية امس القريبة دي لم يتغير
فأحسن ما تشتغلوا بالفارغة ساكت وتفقدوا احزابكم لمن كانت له قواعد .