بابكر سلك يكتب: ٩٣..

*محلك سر
*اتذكروا السطر الاول ده
*المهم
*لاقاكم عداء ماسكين ليهو الزمن والسباق بدا وهو واقف في محلو؟
*واااااقف
*ولوحة الزمن شغالة
*١ …٢ …٣ …٤…٥…٦…٧…
*وهكذا
*لما وصلت ٩٣
*وصاحبنا في محلو مابارحو شبر
*لاقاكم جنس ده؟؟؟؟؟
*علي النعمة لاقاكم
*ده دحين ما ابو الهل؟؟؟؟
*الزمن ماشي والعداد رامي عمل تلاتة وتسعين
*وابو الهل محلك صفر
*واقف في محلو
*لأ وايه!
*محتفلين بالتلاتة وتسعين
*يامحمد عبدالماجد ياخ احترموا رموزكم شوية
*الرمز كردنة قبل كدة موش قال ليكم عيد الميلاد ده الغوهوا
*ماممكن في الاحتفال مافي ولابطولة جوية
*وقال ليكم المعازيم كان جوا
*نتجدع عليهم بي شنو؟ نخلي التربيزة فاضية؟
*وقال ليكم ده احراج
*ولو مصرين تحتفلوا بعيد الميلاد اعملوهوا سري لانو الانجاز صفري
*كتيمي وقولوا ينتهي العزاء بانتهاء مراسم الدفن
*الكلام ده كلو قالوا ليكم الرمز كردنة
*لكن راسكم قوي ومابتسمعوا الكلام
*قوة الراس دي ياها الجايبة ليكم الصفر في السبر
*محمد عبدالماجد
*كردنة كلامو صاح
*لأنو عيد ميلاد طفل
*طفل
*عيد ميلادو الاول
*الاحتفال بتكون تربيزتو مليانة لعب وحاجات
*والهداية ماتديك الدرب
*انتوا عيد ميلادكم ده الا تعملوهوا بدون ترابيز
*اقول ليك حاجة
*افرشوا عربي عشان تقعدوا في الدايمة دي وماتحتاجوا ترابيز
*،قال تلاتة وتسعين قال
*الاحبة الاهلة
*من ناحية تجيبوا جوية
*الله بدي الجنة
*لكن حتي هبة الله
*بتطولوا وتاخدوا مدة
*ولو ربنا مدة لي الآجال يا ود عبدالماجد
*انا حا اجي عيد ميلادكم رقم ١٩٣
*واتمني تكون في حاجة في التربيزة
*الوكت داك بنكون اتعقلنا وكركبنا
*مابنقدر علي قعاد الواطة ده
*ماتقعدونا عربي
*قال اميرة سمراء قال
*اسي اليوناميد ده كلو بحثا عن الاميرة السمراء؟؟؟
*ياخ كان شفتوها
*وشافتكم
*مجرد شافتكم بتموت
*الاخوة الاهلة الشرفاء
*كلو سنة وانتوا طيبين
*عقبال تطفوا الشمعة المية
*لكن ربنا يحقق الاماني
*دي مابتلقوها عندي
*نهي بالكل كهيه
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الليلة عيد الحب ولي اسي ماصرفوا لينا
سلك كهربا
ننساك كيف والكلب قال ماصرفتوا؟؟؟بعد ده بصرفوا ليكم بركاوي
والي لقاء
سلك