عقب الإتهامات التي توجهت لها..شاعرة سودانية تكشف تفاصيل مثيرة عن علاقتها بالفنان (ود الجاك)

الخرطوم: سودان لايت

أوضحت الشاعرة “سارة كشان” أنها تتعرض لهجوم لاذع إيزاء علاقتها بالفنان (ود الجاك).

وكتبت عبر صفحتها بالفيسبوك:

مرات كتيرة بعلق لي محمد في بوست او لي زول كاتب عنو فبشوف تعليقات سلبية كدا تحيرك و توريك ليه البلد دي واقعة لانو شعبها زاتو اغلبهم نفوسهم ما نضيفة معجبة بالولد ما بعرف شنو اجي اجي، و مع ذلك حابة اوضح حاجات بسيطة يمكن اغلب الناس ما بتعرفها.

وواصلت قائلة: أولاً محمد عادل الجاك دا ود عمتي اخت ابوي و في مقام الطيب ولدي و يمكن اكبر بشوية بس اللهم لما جاء الدنيا انا زولة كبيرة و وااااعية الحمدلله .
ثانياً بغض النظر عن انو ابوهو المرحوم عادل الجاك ربنا يرحمو و يغفر له فنان لا يشق له غبار و برغم انو عمو د.وليد الجاك الأمين العام لإتحاد المهن الموسيقية بس محمد في نفسو صوتو جميل و موهبة حقيقية و دا كلام انا مؤمنة بيه تماماً.
و عن نفسي ح اقيف معاهو و ادعمو لآخر حد عشان هو فعلاً بستحق.
ف شنوو ما تنطوا للزول في حلقو و تبقو زي كمسنجية الميناء البري الممكن يسفروك سنار و انت ماشي امبدة العاشرة.


Leave A Reply

Your email address will not be published.