بابكر سلك يكتب: وداعا ملك اللا تهاتر..

*يطلق عليه البعض لقب ملك الاحصائيات
*لأنه يكاد أن يكون أول من فكر فيها
*و بمنتهى الحيادية
*ركز على الحقائق ولم يكن هدفه التأريخ لعشقه المريخ فقط
*ساعدته في العمل الإحصائي والتوثيقي نشأته الأم درمانية
*فهو ود قلبا
*نشأ على يمينه المريخ و علي يساره الهلال وأمامه الموردة
*لذا إحصائيات (لايف) ومن داخل الملعب
*كان شاهدا على العصر في جميع احصائياته
*ما جا كبير ومسك العصاية من النص
*كان مهنيا جدا غرضه خدمة الرياضة ككل
*حفظ للأندية الأخرى حقوقها على صفحات إحصائياته
*بمنتهى المهنية
*لذا أطلقوا عليه لقب ملك الإحصائيات
*اسمحوا لي أن أطلق عليه لقب ملك اللا مهاترات
*فلم نعهده مهاترا ولا مخاصما ولا عدوانيا ولا صاحب أجندة
*رحم الله الحبيب الوقور المهذب عبده قابل
*والعزاء لكل أهل الرياضة
*أها
*نعود لكورتنا الأمس
*ضغط على حامل الكرة
*تقفيل للمساحات عند الارتداد
*وفتح الملعب بالأجناب عند الهجمة
*كورة ممرحلة ومن لمسة واحدة
*دفاع محكم وهجوم ناري
*لياقة بدنية عالية جدا
*الكلام ده كلو بنلقاهو في التحليل وعلى صفحات الصحف وبوصل لينا من خلال الميديا
*لكن في الميدان ما بنلقاهو
*حتى في الاستاد الشي الوحيد المتجدد
*هو لافتات تمجيد الإداريين
*وطبعا بتبقى شينة جدا إذا اكتشفنا أن الإداري المعلق في اللافته هو من قام بسداد كلفتها
*والمشكلة لو اتضح إنو التكلفة فيها كبري
*غايتو ده لو حصل بي أحمرنا ونجمتنا الصفراء دي وكبارينا
*ممكن براااحة نبقى صينيين
*بس الجماعة البياكلوا ما يقوموا ياكلوا ليهم خفاش يقلبوا علينا أم درمان أوهان
*المهم
*التحية لمهند الطاهر الذي أمتعنا في الدقائق اللعب فيها
*الكورة كورة يا أخوانا
*وزول الكورة زول كورة ما بحتاج تطبيل وكسير تلج
*أيها الناس
*نحمد الله على سلامة الحبيب دكتور عمر
*ودكتور عمر خدم المريخ بحب كبير يخلو من الأجندة
*أساسا من قام ما كان محتاج ولذا مارس الحب بعين مليانة
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*قال كان اتفقنا بمشي يخلينا
*قول ليهو اتفقنا يا والينا

سلك كهربا

ننساك كيف والكلب قال سطاشر فريق في الممتاز…؟ ياكافي البلا!!!!!!
وإلى لقاء.


Leave A Reply

Your email address will not be published.