بابكر سلك يكتب: سيدي الشيخ..

*كانت أيام للوطن احتجبنا خلالها لنشرق في ساحات أخر
*هي الحياة دي شن طعمها بدون قيم ومبادئ تتبلور في سلوك فردي لتتلاقح وتشكل وجدان أمة وعظمة شعب؟
*إن كانت الحياة أكل وشرب بارتياح
*ماكانت العصافير التي توفر لها كل شئ
*تفارق قفص الزينة لتطير في فضاءات تستنشق فيها عبير الحرية مرفرفة بأجنحتها الصغيرة لا تبالي ولا تعلم أين ستأكل وماذا ستأكل وأين ستشرب وأين ستقضي ليلتها وهي تغمض أجفانها التي أضناها النضال لتخرج من قفص الأسر
*زمان درسونا في الأناشيد
*قد كان عندي طائر في قفص من ذهب
*ويستمر النشيد إلى أن يصل
*فقال لي حريتي لا تشترى بالذهب
*وياحليل الذهب
*ذهب الذهب
*أريتو لو كان قاعد في واطاتو دي ينتظر أجيالا تعرف قيمة الوطن
*فالأجيال التي لا تعرف قيمة الوطن الفيها اتعرفت
*هرّبت دهبنا لدول هي الآن تعمل جاهدة على بقاء مهربي الذهب على المنصة
*لكن هذا الجيل سيعدل الرصة
*أدوها صنة
*المهم
*يقال إن دكتور معتصم جعفر في مؤتمر صحفي قال
*حل مشكلة المريخ حسب موجهات الفيفا داخل النظام الأساسي لنادي المريخ
*طيب يا دكتور
*اعتبرنا خبراء إستراتيجيين
*وورينا النظام الأساسي لنادي المريخ الجواهو حل مشكلة المريخ
*هل هو نظام 2019 المؤكد في أكتوبر 2020 المعدل في 31 يوليو 2021 ؟
*ولا نظام 2019 المعدل في سبعة وعشرين مارس 2021 ؟
*ولييييه؟؟؟؟؟؟
*حدد لينا عشان نعرف نفتش وين عشان نلقى الحل
*إذا إنت ذاتك طلعت خبير استراتيجي زي حالاتنا وما عارف ياتو نظام هو نظام المريخ
*ارجع لقرار كاس يمكن تلقى فيهو شي
*لولا الحصة وطن كان فتشنا معاك يادكتور
*أيها الناس
*إنتوا التش وين؟
*أحمد بيتر وين؟
*وباقي المصابين وين؟؟؟؟
*ووين الملايين؟؟؟
*أيها الناس
*إن تنصروا الله ينصركم
*أها
*نجي لي شمارات والي الخرتوم
* والينا المكلف بينا
*ما هانت يا أخينا ؟

سلك كهربا

ننساك كيف والكلب قال قلت لي بن علي وين؟
وإلى لقاء.


Leave A Reply

Your email address will not be published.