بابكر سلك يكتب: ياحارسنا وفارسنا

*عندما يكون حارسنا هو فارسنا وبيتنا ومدارسنا
*يبقي كنا مضغوطين
*قبل تحية ود المصطفي
*يجب أن نرفع القبعات للتلات نقاط
*غالية جدا
*هامة وبالذات بعد خسارتنا من موريتانيا
*خطوطنا كانت مثل حظوظنا
*كدقيق فوق شوك نثروها
*ثم قالوا لحفاة يوم ريح اجمعوها
*فلما صعب الأمر عليهم قال قوم اتركوها
*كيف لأمة اشقاها ربها أنتم تسعدوها
*نحن أمة أشقاها ربها بقياداتها
*من يقود الرياضة يشقينا
*ومن يقود المنتخب يشقينا
*نعم برهان يشقينا
*وريسين بغرقوا السفينة
*لم نكن بالأمس جيدين
*ولكن لم نكن بالسوء الذي يستكثر به البعض علينا النقاط التلات
*قعدنا
*فضل لينا نحبي
*ونمشي بالسرير
*ثم نتاتي ونجري منطلقين
*بس مشكلتنا كلما رفعنا راسنا وقعدنا
*نقع تاني لنبدأ في تعلم (الصنقير)
*أيها الناس
*المنتخب داير شغل شديد
*بالإصرار والدراسة والطموح والصبر
*ممكن نخطو أولى خطواتنا نحو أمجاد تمثل أحلام الجمهور
*وليتها كانت تمثل طموحات الإداريين والفنيين واللاعبين
*إذا أردنا أن نكون
*أما إذا لم نرد
*الطموح ذاتو ما بشتغل بينا
*تحية للنقاط
*ولود المصطفى
*وننشد له
*يا حارسنا وفارسنا يابيتنا ومدارسنا
*عزيزي الغربال
*انقض المشاط ده يمكن تعود لمستواك
*الشعر الرادمو ده بتقل حركتك
*وبخليك ثقيل
*باكاتنا
*اخجلوا
*معقولة في زول بتحاور براهو؟؟؟
[*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*المطر قرب يجينا
*اتطمبجت شوارع المدينة
*ده كان نزل بقبضنا فوق ياوالينا؟؟؟؟
سلك كهربا

ننساك كيف والكلب قال السنة دي كان المطر نزل الخروف حا يضبح مسعود والدود في العود وأبوك بكون ما موجود
وإلى لقاء.

 

Leave A Reply

Your email address will not be published.