دعوة إفطار موجهة لرجل الأعمال أسامة داؤود وآخرين تهدد بـ(فرتقة) قروب (رفقة العمر) في الفيسبوك

الخرطوم – سودان لايت

 

أثارت دعوات لافطار قروب (رفقة العمر) في الفيسبوك؛ ردود فعل وسخط عام وسط العضوية؛ نتيجة لحصر الدعوات على رجال الأعمال ونجوم المجتمع؛ من بينهم رجل الأعمال أسامة داؤود؛ ووجه الكثير من عضوية دعوات إلى مغادرة القروب وافساح المجال للذين تحتفي بهم سارة..

وحددت أدمن القروب سارة الشيخ والمقيمة بتركيا؛ اليوم السبت 15 رمضان؛ موعدا للإفطار في صالة تحفتي.
ووزعت سارة دعوات مصحوبة بصورتها في أعلى كرت الدعوة؛ إلى رجال أعمال ونجوم المجتمع من فنانين؛ أبرزهم دعوة إلى رجل الأعمال أسامة داؤود؛ والفنانة ندى القلعة والاعلامي حازم حلمي والفنان عاصم البنا وغيرهم.
في الأثناء واجهت سارة الأعضاء الذين أبدوا اعتراضهم وانتقادهم للخطوة بسلاح الحذف والابعاد؛ من عضوية القروب.
وقال أحد الأعضاء تم حظره يدعى معاوية عكاشة معلقا على بوست: بعد حظرتيني خلاص ح يقيف الاكسجين والاكل مني يااااحلوه انت ادمن صفحة في فيسبوك حيااا الله دا موض الشعب السوداني اول ما الزول يلاقي حتة سلطة يقعد اتعولق عولاقك دا انا لقيت نفسي صدفة في القروب دا للاسف مامنه ااااي فائد ما استفدته اااي معلومة للان”

وقال مصطفى أبو حازم: قروب شو واستعراض ما أكتر والله حاجة مفيدة واحدة مافيهو.. أنا فلان ساكن الحي الفلاني عندي خمستاشر شهادة جامعية ومشيت خمسين دولة والباقي إعلان وهمنة شديدة”
وقال عضو اخر “صح قروب مافيه استفادة نهاي والهدف منو شنو الله اعلم وغير البنات البنزلو صورهم الشخصية على اساس المعرفة احذروا من الكلام دا”.
وقال الصحفي عمار موسى: البت الاسمها سارة دي القروب دا عاملاهو شركة خاصة ياخ حتى اللوقو عاملة فيهو صورتا”.

 

Leave A Reply

Your email address will not be published.